Supergol i Enis Çokajt. Mesfushori shqiptar shënoi golin e barazimit 1-1 në takimin gjysmëfinal të Kupës së Kroacisë, kundër Slaven Belupo. Lokomotiva e Zagrebit po mposhtej 1-0, me një gol të shpejtë të Belupos.
Rastet nuk munguan për të barazuar, por u desh një “perlë” e Çokaj që shifrat të baraspeshohen. Në minutën e 67-të, mesfushori kuqezi e sheh veten disi të lirë brenda zonës dhe nuk mendohet dy herë, duke goditur fluturimthi.
Një gol me të vërtetë shumë i bukur, por dhe shumë i rëndësishëm. Për Lokomotivën e Zagrebit, e nisën titullarë këtë sfidë të pestë futbollistët shqiptarë: Çokaj, Uzuni, Tuci, Mersinaj dhe Kastrati./abcnews.al
