Që nga epidemia SARS e vitit 2003, Kina tani po përballet me një nga viruset më të frikshme të 17 viteve të fundit.
Në videot e publikuara nga “Daily Mail”, shihen pamje të tmerrshme kur njerëzit bien në mes të rrugës siç janë duke ecur duke humbur ekuilibrin.
Nga frika, duket që duhet të vij patjetër ambulanca dhe asnjë nuk mund afrohet t’ju japë ndonjë ndihmë qytetarëve që ndodhen përtokë, pasi çdokush ka frikën e infektimit.
Sipas informacioneve ka qindra që janë të shtruar nëpër spitale dhe ndërkohë, numri i jetëve të marra nga ky virus, ka arritur 26.
Kjo sëmundje është përhapur në Kinë dhe në shumë vende të tjera të cilat janë raportuar si të izoluara ku mund të përmendim, Korenë e Jugut, Vietnamin, Tajlandën, Tajvanin, Japoninë, Singaporin, gjithashtu edhe në Hong Kong.
Simptomat e këtij virusi përfshijnë ethe, kollë dhe probleme me frymëmarrjen. Për shkak të Koronavirusit, Pekini po anulon ngjarje të mëdha publike të cilat janë të shumta, duke përfshirë aty edhe panairin për Vitin e Ri Hënor të Kinës./abcnews.al
