Luhet java e 11 e kampionatit të Katarit dhe në fushë janë dy nga skuadrat më të mira të vendit. Ndeshen Qatar SC dhe Al Sadd, të cilën e drejton Xavi.
Anthony Okpotu, ish-sulmuesi i Laçit në Superiore ka gjetur rrugën e rrjetës, duke ndëshkuar ekipin e ish-mesfushorit të Barçës dhe treguar vlerat e tij.
Sulmuesi përfitoi nga hezitimi i mbrojtjes së Al Sadd, rrëmbeu një top dhe tundi rrjetën. Okpotu ka luajtur me Laçin si i huazuar në sezonin 2018-19, kur luajti në 10 ndeshje dhe shënoi vetëm një gol.
Verën e shkuar ai u bë një nga lojtarët më të shtrenjtë, që kanë luajtur në Superiore, kur u transferua te Qatar SC për 1 milionë euro. /abcnews.al
