Një e moshuar indiane nëntëdhjetë e dy vjeçare u ul në një tavolinë shkolle për herë të parë gjashtë muaj më parë dhe më në fund mësoi të lexonte dhe të shkruante, duke u bërë shembull për gratë e tjera nga fshati i saj.
Salima Khan, e lindur rreth vitit 1931 dhe e martuar në moshën 14-vjeçare, ka ëndërruar prej kohësh të mësojë të përdorë numrat dhe shkronjat. Kur ishte fëmijë, në fshatin e saj nuk kishte shkollë.
Gjashtë muaj më parë, e shoqëruar nga nusja e nipit, ajo filloi shkollimin me fëmijët tetë dekada më të vegjël se ajo. Historia e Salima Khan mori vëmendjen pasi një video e saj duke numëruar deri në 100 u postua në rrjetet sociale.
“Nipat e mi më gënjyen se u dhashë më shumë para sepse nuk dija të numëroja faturat” tha ajo për gazetën “Times of India”.
Pas rastit të një gruaje indiane 92-vjeçare, 25 gra nga fshati i saj vendosën të mësojnë të lexojnë dhe të shkruajnë./abcnews.al
