Myrto Uzuni po kalon një formë shumë pozitive dhe sot ka gjetur golat e radhës. Sulmuesi i Lokomotiva Zagreb realizoi dy herë në fitoren 1-3 në fushën e Gorica, konkretisht në minutën e 75-të dhe 87-të.
Sfida ishte 1-1 dhe beratasi i kombëtares shënoi golin e parë për miqtë nga kryeqyteti pas asistit të marrë nga Kastrati, ndërsa tre minuta nga fundi shënoi sërish dhe vulosi fitoren e skuadrës kryeqytetase (fitorja e katërt radhazi në kampionatin kroat).
24-vjeçari është ngjitur në kuotën e 9 golave në kampionat, duke barazuar Lirim Kastratin. Mersinaj, Çokaj, Uzuni dhe Kastrati e nisën si titullarë ndeshjen e sotme, ndërsa Indrit Tuci u fut në fushë në pjesën e dytë. /abcnews.al
