VIDEO/ Momenti kur vajza e Putin merr vaksinën kundër Covid-19, OBSH ka dyshime

schedule11:56 - 12 Gusht, 2020

schedule 11:56 - 12 Gusht, 2020

Presidenti rus Vladimir Putin deklaroi dje se Rusia ka siguruar vaksinën kundër Covid-19.

Putin tha se gjatë disa testimeve vaksina ka rezultuar e suksesshme dhe se ofron një imunitet të qëndrueshëm ndaj COVID-19.

Madje ai tha se njëra nga vajzat e tij tashmë është vaksinuar, dhe se është në gjendje të mirë shëndetësore.

“Gjëja më e rëndësishme është që të sigurohet një siguri e plotë e vaksinës dhe efikasitetit të saj”, tha ai ndërsa shtoi se një nga dy vajzat e tij ka marrë vaksinën.

Në mediat e huaja kanë qarkulluar edhe pamje nga momenti ku vajza e Putin injekton vaksinën.

Putin ka dy vajza, Maria Vorontsova dhe Katerina Tikhonova. Ende nuk dihet se cila prej tyre ka provuar vaksinën ruse ndaj COVID-19.

Mediat e huaja kanë publikuar disa foto të tyre, por ato dalin shumë rrallë në media.

Ndërkaq Organizata Botërore e Shëndetësisë ka shprehur dyshimet për vaksinën ruse. OBSH i bëri thirrje Rusisë që të ndjekë udhëzimet ndërkombëtare në prodhimin e vaksinës kundër infeksionit COVID-19.

LEXO EDHE: Vaksina anti-COVID e Putinit nuk bind OBSH-në

Ndonjëherë studiuesit individualë pretendojnë se kanë gjetur diçka, që natyrisht është një lajm i jashtëzakonshëm,” u tha zëdhënësi i OBSH-së Christian Lindmeier gazetarëve.

“Por ekziston një ndryshim i madh midis gjetjes ose indikacioneve se një vaksinë po funksionon dhe një vaksinë që ka kaluar të gjitha fazat,” shtoi ai. /abcnews.al