Një makinë është përfshirë në flakë në ecje në rrugën e Kavajës si pasojë e një defekti teknik.
“Rreth orës 14:55, në Rrugën e Kavajës, dyshohet se si pasojë e një difekti teknik ka marrë flakë në lëvizje mjeti me drejtues E. S, 27 vjeç, ku ka vetëm dëme materiale”, thotë policia.
Fatmirësisht shoferi nuk ka pësuar lëndime, kurse makina siç shihet nga pamjet e ABC është djegur e gjitha. Grupi hetimor po punon për sqarimin e rrethanave të ngjarjes.
