Babis Anagnostopoulos, piloti 32-vjeçar është tashmë i arrestuar pasi pranoi dje se ishte ai që vrau gruan 20-vjeçare dhe se grabitja nuk kishte ndodhur kurrë.
Me kokën ulur, me maskë të zezë dhe me jelek të bardhë anti-plumb, ai është shoqëruar pasditen e sotme nga forca të shumta sigurie në zyrën e prokurorit për të ekzekutuar urdhrin kundër tij dhe më pas u paraqit para hetuesit. 32-vjeçarit iu dha afat që të kërkojë falje të martën për krimin që ka bërë.
Autori i krimit nuk bëri asnjë koment për gazetarët e interesuar. Ai u shfaq i ftohtë ndërsa edhe zyrtarët e gjykatës kishin dalë nga dritaret e ndërtesave të Evelpidon për të parë transferimin e tij. Kjo tregon interesin ndaj rastit të tij, por edhe i neveritjes së opinionit publik për aktin dhe teatrin që luajti deri sa pranoi krimin.
I penduar për ata që ka bërë, 32-vjeçari përmes avokatit të tij ka kërkuar një dënim shembullor.
Sipas avokatit, Vassilis Spyrou , i akuzuari është “tronditur nga fakti i vdekjes së Caroline” ndërsa vlerësimi i tij personal është se klienti i tij “u relaksua” me rrëfimin e tij.
32-vjeçari akuzohet për veprat penale “vrasje me dashje, e kryer në një gjendje të qetë mendore” dhe “abuzim me kafshët”. Ai akuzohet gjithashtu edhe për shkeljet: “akuza e rreme” sepse bëri të dyshuar të tjerë për veprimet e tij dhe “dëshmi të rreme”.
Policia greke në deklaratën zyrtare tha se patën indice që në fillim se vrasësi i 20-vjeçares ishte bashkëshorti i saj. Ky i fundit sajoi skenarin e grabitjes, madje mbyti edhe qenin që të dukej sa më i besueshëm. Madje, teksa fliste për tre grabitës që iu futën në shtëpi, ai tha se njëri prej tyre fliste shqip. Hetuesit arritën të zbardhin ngjarjen me anë të pajisjeve teknologjike, ora biometrike që Caroline kishte në dorë dhe telefoni smart i autorit. g.v/abcnews.al
