Loading ...
Çmenduri në grupin F, aty ku u regjistruan rezultate të njëjta. 2-2 u mbyll supersfida Portugali-Francë, teksa i njëjti rezultat u regjistrua edhe në Gjermani-Hungari.
Ekipi i Didier Deschamps e mbyll grupin në vend të parë dhe do të ketë përballë Zvicrën në raundin me eliminim direkt, teksa kualifikohen edhe Gjermania (si vend i dytë) dhe Portugalia (si vend i tretë). Jashtë Hungaria, që ishte pak minuta larg mrekullisë.
Tre penallti në sfidën e “Puskas Arena”. Dy për Portugalinë, të cilët Cristiano Ronaldo i ktheu në gola. 21 gola me luzitanët në Europiane dhe Botërore për yllin e Juventusit, i cili lë pas gjermanët Klose dhe Muller.
Mes golave të 36-vjeçarit realizoi dy herë Karim Benzema, i cili rigjeti emocionet e golit me Francën pas gati gjashtë vitesh. Belgjika do të jetë rivali i ardhshëm i kampionëve në fuqi të Europës.
#FRA win Group F.#GER finish second.#POR go through in third.#HUN are knocked out.
What a group.
What a night of football.#EURO2020 pic.twitter.com/pB3YhaXZr6
— Goal (@goal) June 23, 2021
Duel dramatik dhe plot emocione në “Allianz Arena”. Dy herë kaluan hungarezët në avantazh falë golave të Adam Szalai dhe Andras Schafer, por vendasit reaguan me rrjetat e Kai Havertz dhe Leon Goretzka.
Tepër i rëndësishëm goli i mesfushorit të Bayern Munchen, i cili evitoi eliminimin dhe tupërimin e “Pancerave” me golin e shënuar gjashtë minuta nga fundi i ndeshjes. Anglia është rivali i Gjermanisë në raundin e 1/8-ve. /abcnews.al
