Loading ...
Të paktën 12 persona janë vrarë nga sulmet masive me raketa dhe dronë gjatë natës në Rusi dhe Ukrainë. Sulmet e ndërsjella kanë goditur zona të banuara, qendra logjistike dhe objekte industriale, ndërsa luftimet po shtrihen gjithnjë e më larg vijës së frontit.
Në Rusi, dronët ukrainas kanë goditur zonat e Rostovit, Belgorodit dhe rajonit të Moskës, duke shkaktuar shtatë viktima. Ministria ruse e Mbrojtjes pretendon se gjatë natës janë leshuar 822 dronë në të gjithë vendin.
🚨 UKRAINE IS NOW HAMMERING THE MOSCOW REGION
A massive explosion at a Wildberries logistics complex near Moscow overnight, as Russia faced another major wave of Ukrainian drones.
At this point, is the mainstream media simply bored with how extraordinary this has become?… pic.twitter.com/l1ALMJ3wt8
— Mossad Commentary (@MOSSADil) August 16, 2026
Ministria ukrainase e Mbrojtjes pretendon se sulmet e fundit kanë nxjerrë jashtë funksionit shtatë nga dhjetë qendrat më të mëdha logjistike të kompanisë në Rusi.
Ndërkohë, sulmet ruse në Ukrainë kanë shkaktuar pesë viktima. Dy prej tyre humbën jetën në uzinën e çelikut ArcelorMittal në Krivij Rih, ku u plagosën edhe 14 persona dhe prodhimi u ndërpre pjesërisht.
Viktima janë raportuar edhe në Zaporizhzhia dhe Sumy, ndërsa në Kiev një treg i njohur i librave të vjetër u përfshi nga flakët. Sulmi shkaktoi dëme të konsiderueshme dhe humbje të mëdha materiale për tregtarët.
