Loading ...“Plaga e 21 janarit nuk është vetëm e familjes sonë, por e të gjithë shoqërisë shqiptare”, kështu u shpreh Zamira Veizi, mbesa e Ziver Veizit i cili humbi jetën në protestën që u zhvillua 15 vjet më parë në kryeqytet.
Kjo deklaratë erdhi në kuadër të homazheve të cilat u kryen në vendlindjen e të ndjerit ku të pranishëm ishin familjarë, miq si dhe drejtues të pushtetit vendor.
Sot bëhen 15 vite nga krimi shtetëror, familjarët presin ende drejtësi.
Aleks Nika, Ziver Veizi, Hekuran Deda dhe Faik Myrtaj, janë katër protestuesit e vrarë 15 vite më parë në bulevardin “Dëshmorët e Kombit”.
Në korrik të 2024 Prokuroria e Posaçme (SPAK) nisi zyrtarisht hetimet për 21 Janarin, pasi Gjykata e Strasburgut urdhëroi Strukturën e Posaçme të hetonte kallëzimin e bërë nga Rajmonda Nika, bashkëshortja e Aleks Nikës, ndaj Sali Berishës, ish-kryeministër, Lulzim Bashës, ish-ministër i Brendshëm dhe Ndrea Prendit, ish-kreu i Gardës së Republikës.
Gjykata e Strasburgut e ka cilësuar vrasjen e katër protestuesve si “krim shtetëror që duhej zbardhur”.
