Loading ...
Ditën e djeshme në Kinë, në provincën veriperëndimore të Gansu u zhvillua ultramaratona, e gjatë 100 kilometra (organizohet në terrene malore), e cila pati përfundimin më tragjik të mundshëm.
Kur vrapuesit kishin vrapuar rreth 20-30 kilometra dhe arritën në një vend të quajtur Kamena Gora përgjatë lumit Juanho, i zuri një stuhi me breshër dhe erë shumë të fortë.
Kushtet u përkeqësuan menjëherë dhe temperatura e ajrit shkoi nën 0 gradë Celsius. 172 pjesëmarrës humbën dhe gara u desh të ndërpritej menjëherë. Organizatorët njoftuan menjëherë grupet e shpëtimit dhe mjekëve për të evakuuar menjëherë maratonistët.
Në 24 kilometrat e para të ultramaratonës shpëtuesit mundën të lëvizin me makina të larta dhe më pas u desh ndihma e helikopterëve. Autoritetet lokale dërguan rreth 700 njerëz të specializuar për të gjetur të humburit.
Sipas mediave lokale, 152 atletë u gjetën deri në mëngjesin e sotëm, nga të cilët tetë u plagosën dhe fatkeqësisht 21 u ndanë nga jeta. Kërkimi për të tjerët vazhdon ende me ritme të larta. Mes viktimave ishte Lian Qin, i cili vendosi dy rekorde kineze në ultramaratonë. /abcnews.al
