Zhbllokohen takimet Liverpool-Tottenham dhe Barcelona-Real Sociedad. Në” Anfield” po zhvillohet sfida më e fortë e javës në Premier League mes dy ekipeve që kryesojnë kampionatin.
Kampionët në fuqi kanë kaluar në avantazh në minutën e 28-të. Me fat Momo Salah, gjuajtja e të cilit u devijua dhe përfundoi në rrjetë.
Djemtë e Jose Mourinhos reaguan dhe rikthyen baraspeshën në minutën e 33-të. Son Heung-Min iu shkëput mbrojtjes vendase dhe mposhti Alisson me një goditje të saktë.
Ndërkohë, në “Camp Nou” janë shënuar dy gola të shpejtë. Sociedad, ekip që sivjet po paraqitet në mënyrë fantastike në La Liga dhe kryeson bashkë me Atletico Madrid, kaloi i pari në avantazh.
Minuta e 28-të, skemë e menduar nga skuadra mike dhe finalizim i Willian Jose, qendërsulmuesi brazilian. Festa baske zgjati vetëm tre minuta, pasi katalanasit reaguan dhe gjetën golin e barazimit me anë të Jordi Alba, i cili realizoi një eurogol. /abcnews.al
