Gafë e Leipzig në shtëpi. Ekipi i Nagelsmann nuk shkoi më shumë se një barazim pa gola në takimin ndaj Koln, duke mos ia dalë të çajë mbrojtjen e skuadrës mike, edhe pse e dominoi takimin dhe krijoi raste të shumta.
Vendasve iu anulua edhe një gol nga teknologjia VAR në minutën e tretë. Ky barazim e ngjit përkohësisht Leipzig në vend të parë me 28 pikë. Po aq numëron edhe Bayer Leverkusen që luan në orën 18:30 në shtëpi përballë Bayern Munchen.
Leipzig miss out on top spot with wins on the road for Hoffenheim, Bielefeld, Werder and Frankfurt ?? #BLMatchday pic.twitter.com/0ru7xwTxDE
— Bundesliga English (@Bundesliga_EN) December 19, 2020
M’Gladbach shënoi e para në sfidën shtëpiake ndaj Hoffenheim, por miqtë realizuan dy gola në çerekorëshin e fundit dhe siguruan tre pikë fantastike. Vendasit e mbyllën ndeshjen me 10 lojtarë pas daljes me të kuqe të Thuram në minutën e 79-të.
Eintracht Frankfurt mori tre pikët pas suksesit 0-2 jashtë fushe ndaj Augsburg. Dy golat u shënuan në fraksionin e dytë të ndeshjes dhe u kthyen në shtëpi me tre pikë. Krizë totale për Schalke 04, që pësoi një tjetër humbje në shtëpi.
“Blutë Mbretërorë” u mposhtën 0-1 nga Arminia Bielefeld dhe vazhdojnë të renditen në vend të fundit me 4 pikë, dhe akoma pa asnjë fitore në 13 javë kampionat. Më në fund feston Werder Bremen. 0-1 përfundoi sfida në fushën e Mainz, teksa miqtë iu falën golit të 19-vjeçarit Eren Dinkci. /abcnews.al
