Përfundojnë tre ndeshjet e orës 13:30 në Kategorinë Superiore. Laçi zhvilloi një ndeshje shumë pozitive në shtëpi përballë Kukësit, takim që e fitoi 3-2. Bardhezinjtë dominuan kundërshtarin në derbin e Veriut dhe siguruan tre pikë të rëndësishme, duke u ngjitur në vend të dytë me 20 pikë, po aq sa numëron edhe Teuta.
Emiljano Musta zhbllokoi takimin në minutën e 12-të, teksa në minutat shtesë të pjesës së parë erdhi edhe goli i Van Dave. Kundërsulm perfekt i vendasve dhe parabolë shumë e bukur e sulmuesit afrikan të bardhezinjve. Ekipi i Duros e nisi mirë edhe fraksionin e dytë të ndeshjes.
Regi Lushkja, autori i asisteve të dy golave të parë, dhuroi një tjetër pasim të saktë dhe Redon Xhixha dërgoi topin në rrjetë. 3-0 për Laçin dhe ndeshja e përfunduar. Gjithsesi, minuta e 64-t solli një penallti për skuadrën e Rrahman Hallaçit.
Agim Ibraimi nuk gaboi përballë Sherrit. Emiljano Musta mori kartonin e dytë të verdhë në minutat e fundit pas një faulli ndaj portierit kundërshtar dhe u largua me të kuqe (2 të verdha). Kukësi fitoi një tjetër penallti në minutën e tretë shtesë. Eze dërgoi topin në rrjetë, por nuk pati më kohë dhe në fund Laçi festoi suksesin e parë për vitin 2021.
Nuk ka gola dhe fitues në Ballsh, aty ku u përballën Bylis dhe Tirana. Kampionët në fuqi e nisën mirë takimin dhe ushtruan presion për 20 minutat e para. Më pas erdhi reagimi i ekipit vendas, që e baraspeshoi lojën.
Gola nuk pati, teksa edhe pjesa e dytë pati duele të forta dhe raste për gol. Danso u ndëshkua me të kuqe në minutën e 74-t dhe bardheblutë luajtën me një lojtar më pak në çerekorëshin e fundit. Tirana përsëri u shfaq e rrezikshme, por sfida u mbyll në barazim dhe të dy ekipet ndanë nga një pikë.
Skënderbeu ishte shumë pranë triumfit në fushën e vështirë të Kastriotit në Kamzë, por në fund skuadra e Ndreut gjeti një gol në minutën e fundit dhe vulosi shifrat 2-2. Krutanët kaluan të parët në avantazh me Shkallën, por korçarët treguan karakter dhe përmbysën në pjesën e dytë me golat e Mensah dhe Kosta Vangjeli. Në fund Kastrioti sulmoi me gjithë forcat dhe mundi të gjejë golin e barazimit, duke shmangur humbjen./abcnews.al
Kategoria Superiore, java e 13-të
Bylis-Tirana 0-0
Kastrioti-Skënderbeu 2-2
(Shkalla 28′, Mehmeti 90+5’/ Mensah 64′, Vangjeli 85′)
Laçi-Kukësi 3-2
(Musta 12′, Van Dave 45+2′, Xhixha 50′ / Ibraimi (pen) 64′, Eze (pen) 90+3′)
90+3′ Tjetër penallti për skuadrën mike. Eze mori përsipër goditjen, gjuajte e saktë e afrikanit dhe topi në rrjetë.
https://streamable.com/z6ywm6
85′ Laçi me dhjetë lojtarë. Emiljano Musta ndërhyn keq ndaj portierit të Kukësit dhe ndëshkohet me kartonin e dytë të verdhë, duke u larguar para kohe nga fusha.
https://streamable.com/tawg3j
64′ Penallti për Kukësin pas nërhyrjes së gabuar të Mustës ndaj Eze. Ekzekutimin e merr përsipër Agim Ibraimi, i cili nuk gabon përballë Alen Sherrit.
https://streamable.com/w6my2x
50′ Tjetër gol në Laç dhe janë sërish vendasit që gjejnë rrugën e rrjetës. Asist i Regi Lushkjes (i treti pë sot) nga krahu i djathtë dhe gol i Redon Xhixhës.
https://streamable.com/dyabsb
45+2′ Laçi gjen edhe golin e dytë. Kundërsulm i shpejtë i ekipit kurbinas, Lushkja nis bukur Van Dave dhe sulmuesi liberian realizon me një parabolë shumë të bukur. 2-0 për ekipin vendas.
12′ Zhbllokohet takimi Laçi-Kukësi. Van Dave rikuperon bukur një top në sulm, asist i Regi Lushkjes dhe diagonale e saktë e Emiljano Mustës, i cili dërgon topin në rrjetë dhe ndëshkon ish-ekipin e tij.
90+5′ Kastrioti eviton humbjen në minutën e pestë shtesë. Xhulio Mehmeti gjen golin me kokë dhe i dhuron një pikë krutanëve.
85′ Skënderbeu përmbys gjithçka në Kamzë. Kosta Vangjeli autori i golit, që i dhuroi avantazhit ekipit mik nga Korça.
https://streamable.com/yp7zae
64′ Reagon Skënderbeu dhe gjen golin e barazimit. Goditje dënimi e miqve, pritje jo e sigurt e portierit Hidi, teksa Alfred Mensah përfiton nga topi i rikthyer dhe dërgon topin në rrjetë.
https://streamable.com/qjp103
28′ Kastrioti në avantazh. Goditje këndi për krutanët dhe finalizim me kokë i mbrojtësit Silvestër Shkalla, i cili i dhuron avantazhit ekipit të tij.
74′ Karton i kuq për Tiranën. Danso kryen një faull të ashpër ndaj një mbrojtësi vendas dhe u ndëshkua me karton të verdhë. I verdhi i dytë për afrikanin dhe Tirana me dhjetë lojtarë.
https://streamable.com/fea8au
