Babë e bir janë arrestuar nga policia e Krujës, për kultivim të lëndëve narkotike.
Sipas policisë, 62-vjeçari dhe 32-vjeçari kishin përshtatur disa vende në fshatin Brret, për kultivimin e kanabisit.
Gjatë kontrollit në një pjesë të pyllëzuar të fshatit Brret, shërbimet e Policisë gjetën dhe sekuestruan në cilësinë e provës materiale, 30 bimë të dyshuara narkotike cannabis.
Gjithashtu, gjatë kontrollit të banesës së tyre, shërbimet e Policisë gjetën dhe sekuestruan 1060 fara të dyshuara narkotike kanabisi. Sakaq materialet procedurale i kaluan Prokurorisë.
/abcnews.al/
