Derbi i takon Partizanit, kreu Laçit pas fitores me Skënderbeun. Demat e kuq mposhtën Tiranën me rezultatin 2-1 dhe i dhanë një goditje të rëndë kampionëve në fuqi.
Skuadra e Ilir Dajës shënoi e para me anë të mbrojtësit Egzon Belica, pas një goditjeje këndi, por barazimi erdhi shpejt me një eurogol të Hoxhallarit nga goditja e dënimit.
1-1 pjesa e parë, kurse në të dytën, pas një aksioni model Partizani kaloi sërish në epërsi dhe deri në fund e ruajti epërsinë. Vayrynen dhe Batha nuk ia dolën dot të shënonin golin e barazimit dhe të kuqtë morën tre pikë me vlera, që i ngjitin në vendin e dytë për momentin.
NDESHJA NË KORÇË – Laçi e ka mundur për herë të parë Skënderbeun këtë sezon, me rezultatin e pastër 2-0. Kurbinasit ishin të motivuar pas humbjes së Vllaznisë dje dhe e shfrytëzuan ndalesën, për ta marrë vendin e parë në klasifikim.
Mentor Mazrekaj zhbllokoi ndeshjen me një goditje dënimi, pasi topi u devijua nga muri. Më pas Julian Shehu realizoi edhe golin e dytë, që qetësoi kurbinasit. Korçarët kanë rezerva për një rast të dyshimtë për penallti në fund të pjesës së parë. Gjithsesi kurbinasit në fund morën pikët e plota. /abcnews.al
TIRANA-PARTIZANI 1-2
Shënues: Hoxhallari 39′ / Belica 28′, Bardhi 59′
TIRANA (3-5-2): Bekaj – Vangjeli, Behiratche, Hoxhallari – Toshevksi (Vayrynen 72′), Toli (Torassa 36′), Batha, Çelhaka, Ismajgeci – Cale (Halili 60′), Seferi. Trajner: Orges Shehi
PARTIZANI (4-3-3): Hoxha – Idrizaj, Bitri, Belica, Hakaj – Broja (Mala 82′), Murataj, Bardhi – Asani, Cordeiro, Çinari. Trajner: Ilir Daja
GJYQTARË: Kreshnik Cjapi, Ridiger Çokaj, Denis Rexha, Rejdi Zajmi
SKËNDERBEU-LAÇI 0-2
Shënues: Mazrekaj 57′, Shehu 74′
SKËNDERBEU: Dajsinani, Meksi, Dwumfour, Vitija, Bajrami, Sadriu, Taipi, Jean Victor, Dowouna (Pusi 64′), Mara (Rrapaj 76′), Mensah. Trajner: Migen Memelli.
LAÇI: Sali (Sherri 72′), Selmani, Malota, Obanor, Marku, Deliu, Shehu, Lushkja, Musta, Mazrekaj (Bytyqi 77′), Harmon. Trajner: Shpëtim Duro.
GJYQTARË: Kreshnik Barjamaj, Rejdi Avdo, Jetmir Podgorica, Indrit Myrtja
74′ Julian Shehu ka ndëshkuar skuadrën e Skënderbeut, pas një asisti të mbrojtësit Emiljano Musta
59′ Tjetër gol në derbin që po luhet në “Selman Stërmasi”. Finalizim i Jurgen Bardhit, i cili rikthen “Demat” e Ilir Dajës në avantazh.
https://streamable.com/ke2pbo
57′ Zhbllokohet ndeshja në Korçë. Gol i Mentor Mazrekajt nga goditja e dënimit dhe bardhezinjtë e Laçit në avantazh.
39′ Barazohet ndeshja në “Selman Stërmasi”. Goditje dënimi për Tiranën dhe ekzekutim perfekt i Erion Hoxhallarit.
https://streamable.com/isna4m
28′ Egzon Belica ka ndëshkuar skuadrën e Tiranës, pas një goditjeje këndi. Krosimi në zonë u shfrytëzua nga mbrojtësi, i cili sulmoi shtyllën e parë sipas planit të bërë në stërvitje
https://streamable.com/4akkgu
6′ Taulant Seferi lëshoi sinjalin e parë në portën e Partizanit. Portieri Alban Hoxha reagoi në mënyrën e duhur dhe largoi rrezikun
https://streamable.com/nlalrf
