Gjykata dhënë masën e sigurisë “detyrim paraqitje” për mjekun Edison Skëndo, i cili u denoncua nga drejtori i Policisësë Beratit, Hasan Ahmeti një ditë më parë me argumentin se kishte kundërshtuar me dhunë urdhrin e tij.
Dalja e tij nga gjykata është shoqëruar me duartrokitje nga të afërmit.
Ngjarja e rëndë ndodhi mëngjesin e djeshëm në Berat ku Ahmeti i ka kërkuar Skëndos lejen e daljes ndërkohë që ai po shkonte në punë.
Në këtë moment ka patur një përplasje fizike mes tyre, e cila është filmuar pjesërisht edhe nga kamerat e sigurisë.
Pas kësaj, Ahmeti paditi Skëndon për kundërshtim të urdhrit të policisë, ndërsa doktori e akuzoi drejtorin e policisë për dhunë.
Lexo edhe: VIDEO/ E rëndë në Berat, dhunë mes mjekut dhe Drejtorit të Policisë
Ngjarja shkaktoi edhe reagime politike, ku mes atyre që u shprehën ishte edhe ish-kryeministri Berisha duke e akuzuar drejtorin e policisë për perversitete.
