“Shpresat” e Kombëtares sonë e kanë nisur mjaft mirë vitin 2023, teksa në miqësoren e luajtur në Turqi, “legjionarët” e Alban Bushit triumfuan ndaj Azerbajxhanit me rezultatin e ngushtë 2 me 1.
Për fitoren menduan Stiven Shpendi dhe Adrion Pajaziti, me nga 1 gol në secilën pjesë të lojës, duke nxjerrë kështu të pavlefshëm golin e Camalov në minutën e 46’-të të sfidës.
Fillimisht do të ishte “bomberi” i Cesena, Stiven Shpendi, i cili me një goditje të bukur diagonale brenda në zonë mposhti portierin azer dhe pas barazimit të shifrave, Adrion Pajaziti, i cili aktivizohet te norvegjezët e Haugesund, pas një huazimi nga anglezët e Fulham shënon të dytin për “shpresat”, duke i dhënë një fitore të vyer në miqësoren e parë për vitin 2023.
Ndërkaq, kujtojmë se përveç miqësores me Poloninë që do të zhvillojnë me 27 mars, Kombëtarja e “shpresave” janë pjesë e grupit E në eliminatoret e Euro U21, bashkë me Rumaninë, Finlandën, Zvicrën dhe Malin e Zi. /i.m /abcnews.al
SHIKONI GOLAT:
Goli i Adrion Pajazitit 2-1:
Goli i Camalov, 1-1:
Goli i Stiven Shpendit, 1-0:
