Anne-Marie pësoi një incident gjatë mbrëmjes së djeshme në ceremoninë e BRIT Awards 2022. Këngëtarja u rrëzua nga shkallët teksa po performonte përpara 20 mijë personave në 02 Arena në Londër. Pavarësisht momentit të sikletshëm, ajo u çua dhe vazhdoi performancën si një profesioniste e vërtetë.
Shikuesit dhe fansat reaguan nëpër rrjete sociale, duke e krahasuar rrëzimin e Anne-Marie me atë të Madonna-s në Brit Awards 2015. “Ti ia dole në mënyrë të mahnitshme! Po të isha unë do të isha rrotulluar përgjatë dyshemesë derisa të dilja nga skena”, shkruanin fansat në mbështetje të këngëtares.
Kujtojmë që mbretëresha e mbrëmjes ishte Adele pasi arriti të fitojë tre çmime, mes së cilave dhe artistja e vitit. Dhe Dua Lipa fitoi çmimin si artistja më e mirë Pop/R&B duke lënë prapa emrat e njohur si Ed Sheeran, Adele, Griff dhe Joy Crookes por nuk mori pjesë në event pasi po përgatitet për turneun e saj në SHBA.
/abcnews.al
