Loading ...Një magazinë që i përkiste një lokali është përfshirë nga flakët mbrëmjen e kësaj të marte në Ishull-Lezhë. Zjarri ka shpërthyer në pjesën e pasme të lokalit, e cila shërbente si depo, duke djegur disa pajisje shtëpiake.
Sipas burimeve paraprake, dyshohet se flakët janë shkaktuar nga shpërthimi i dy bombolave të gazit, në momentin kur kryefamiljari ishte duke i vënë në punë për përgatitjen e rakisë.
Menjëherë pas marrjes së njoftimit, zjarrfikësit kanë mbërritur në vendngjarje, ku falë ndërhyrjes së tyre të shpejtë u be e mundur izolimi dhe fikja e plotë e zjarrit, duke parandaluar përhapjen në pjesën tjetër të lokalit dhe në banesat përreth./abcnews.al
