Emmanuel Egbo ndodhet në Shqipëri prej vitit 2001, kohë kur erdhi të mbronte portën e Tiranës. 19 vite më pas, kësaj radhe në pankinën e ekipit më të titulluar në vend, u shpall kampion Shqipërie, duke riveshur kryeqytetin bardheblu pas 11 viteve.
Gjatë mëngjesit të sotëm ishte i ftuar në “ABC-ja e Mëngjesit”, aty ku preku disa tema të ndryshme dhe foli rreth jetës së tij, brenda dhe jashtë futbollit. “Kombëtarja e Shqipërisë? I kam parë shumicën e ndeshjeve, madje e kam kënduar edhe himnin kombëtar. E di himnin shqiptar.
Duhet ta dish historinë, himnin, liderët politikë, kur merr nënshtetësinë e një vendi“, u shpreh trajneri nigerian, i cili nisi të këndonte himnin shqiptar në studio bashkë me Sibora Bitrin, gazetaren e emisionit. /abcnews.al
