Aston Villa ia prishi terezinë skuadrës së Chelsea vetëm pak minuta, pasi skuadra e Lampard ia doli të fitonte me përmbysje me shifrat 1-2. Vendasit, në fundin e pjesës së parë zhbllokuan sfidën me anë të Hause dhe shkuan në dhomat e zhveshjes me moralin lart.
Futbollistët e Chelsea morën direktivat e stafit teknik dhe goli i barazimit erdhi nga një lojtar i aktivizuar në pjesën e dytë. Christian Pulisic, pesë minuta pasi kishte zbritur në fushë, shfrytëzoi një krozim të Azpilicueta dhe e dërgoi topin në rrjetë.
Barazimi i jep zemër skuadrës londineze, që kërkon të shënojë sa më shpejt edhe golin e dytë. Oliver Giroud, vetëm dy minuta më pas ia doli me sukses të gjente rrugën e rrjetës dhe të çonte skuadrën e tij peshë nga gëzimi.
1-2 dhe Aston Villa nuk kishte forcën për t’i ndryshuar fatet e kësaj përballjeje, ndërkohë që rënia në Championship duket se do të bëhet realitet në fund të këtij sezoni. Nga ana tjetër Chelsea ruan vendin e katërt, me 51 pikë, 5 më shumë se ndjekësit e Manchester United. /abcnews.al
