ABC News ka siguruar pamje nga rrëmbimi i 23-vjeçarit Renis Dobra, i cili më pas u ekzekutua dhe u hodh në liqenin e Shkopetit.
Në videot e siguruara nga gazetari Ervin Leka, shihet se një automjet ndjek nga pas Renis Dobrës, i cili lëviz me automjetin e tij.
Pasi e rrëmbejnë Dobrën, autorët nisen drejt Shkopetit, aty ku kryen vrasjen e të riut, dhe e hodhën trupin e tij në liqen.
Autorët kanë përdorur “Range Rover” të zi, “Hyndai” santafe e bardhë dhe një W 7 i bardhe, të marra me qera 2 ditë para ngjarjes.
Lidhur me këtë ngjarje të rëndë, janë arrestuar Petrit Çakrri, i njohur edhe me emrin Petrit “Hoxha”. Çakrri u arrestua në orët e vona të së martës në afërsi të Tropojës.
I arrestuari tjetër është Fatjon Bushgjoka. Ndërkaq, në kërkim janë shpallur dy vëllezërit e tij, Aleksandër Bushgjokaj dhe Kristi Bushgjokaj.
Kontrolle po kryhen në Tropojë për arrestimin e tyre.
Mësohet se Dobra ka punuar në Gjermani për vëllezërit Bushgjoka, në shpërndarjen e kokainës.
Në disa raste Renis Dobra nuk ka çuar para duke i mashtruar se drogën e kishte humbur dhe se e kishte ndjekur policia.
Kjo është zbuluar nga tre vëllezërit dhe me ndihmen e mikut të tyre, Petrit Çakrri kanë marrë tre makina me qira dhe kanë organziuar rrëmbimin e tij./abcnews.al
