Loading ...
Ishte 26 tetori i vitit 2005 dhe Francesco Totti ndodhej në kulmin e tij. Disa ditë më parë kishte festuar 29-vjetorin e lindjes dhe verdhekuqtë luanin në “San Siro” përballë Interit vendas. Miqtë nga kryeqyteti shënonin dy herë në pjesën e parë, teksa trefishonin në të dytën.
Montella zhbllokonte shifrat, ndërsa kapiteni shënonte dy golat e tjerë. Braziliani Adriano realizonte dy herë më pas (i pari i mrekullueshëm) dhe Interi i shkonte shumë afër një barazimi të çmendur. Rikthehemi te Totti. Ylli italian realizonte një kryevepër atë mbrëmje vjeshte.
Një gol i paharrueshëm dhe ndër më të bukurit që është realizuar ndonjëherë. Totti u nis nga gjysmëfusha e tij, realizoi një driblim, i rezistoi ndërhyrjes të një lojtari vendas, marshoi drejt portës kundërshtare, pa Julio Cesar që kishte dalë pak nga porto dhe “shpiku” një parabolë magjike.
Një gol që i mahniti të gjithë, ndërsa Roberto Mancini, trajneri i Interit në atë kohë, nuk i kurseu duartrokitjet. Tifozët e Romës nuk e kanë harruar dhe e kanë zgjedhur si golin më të bukur që skuadra e tyre e zemrës ka shënuar në 20 vitet e fundit në Serie A. Një çmim totalisht i merituar për një lojtar unik si Francesco Totti. /abcnews.al
And the winner is… ?
This iconic Francesco @Totti strike has been voted our best Serie A goal since 2000! ?
#ASRoma #BestRomaGoal @qatarairways pic.twitter.com/mzIXNy7DXW— AS Roma English (@ASRomaEN) April 26, 2020
