Dygolësha për Shkëlzen Gashin në Zvicër dhe Leonard Pllanën në Suedi, teksa Amir Abrashi ndëshkohet me të kuq në takimin Zurich-Grasshopers, duke lënë miqtë me 10 lojtarë.
Aarau po fiton 5-2 në shtëpi kundër Lausanne Ouchy, dhe dy nga golat e ekipit vendas i ka realizuar Shkëlzen Gashi, ish-sulmuesi i kombëtares kuqezi.
Dy golat e parë në divizionin e dytë të futbollit helvet për 33-vjeçarin dardan, ndërsa Aarau, që kërkon rikthimin në elitë, mban për momentin vendin e dytë në renditje.
Leonard Pllana luan si qendërsulmues dhe sulmuesi i majtë, është 24 vjeç dhe prej janarit të vitit të kaluar është pjesë e Brage në divizionin e dytë të futbollit suedez (Supperettan).
Det svänger i Borlänge! Brage är tillbaka i matchen efter att Leonard Pllana reducerar till 3-2. pic.twitter.com/2loSkwY0bS
— discovery+ sport ?? (@dplus_sportSE) August 21, 2021
Lojtari nga Mitrovica (numëron dy ndeshje me Kosovën U21) ka shënuar dy herë në barazimin shtëpiak 3-3 që arriti Brage në shtëpi ndaj Vasteras.
Pllana po kalon një formë fantastike dhe është ngjitur në kuotën e tetë golave sezonalë. Ndeshje për t’u harruar për Amir Abrashin.
“Pitbulli” i kombëtarës shqiptare u ndëshkua me dy kartonë të verdhë brenda një minute (47′) në sfidën jashtë fushe me Zurich, që ndodhet në barazim 1-1. /abcnews.al
