Do të ishte edhe më “i ëmbël” po të ishte goli i fitores, por sërish ishtë një realizim “magjik”. “Dardani” i mesfushës së Istanbulspor, Florian Loshaj është kthyer në një protagonist absolut te skuadra e tij, në Superligën turke, me 27-vjeçarin, i cili mesditën e kësaj të shtune arriti të tundë sërish rrjetën, kësaj radhe në mënyrë spektakolare.
Në “frymën e fundit”, të pjesës së parë të sfidës, mes skuadrës së tij Istanbulspor dhe skuadrës së Ankaragucu, mesfushori i lindur në Skënderaj “rrëmben” bukur një top në mesfushë dhe pasi driblon me një rrotullim 360 gradë mbrojtësin kundërshtar lëshon një “predhë” nga jashtë zonë, duke e dërguar sferën, në “trekëndëshin” e rrjetës kundërshtare.
Siç theksuam edhe më sipër, Loshaj është kthyer në një pikë referimi, në mesfushës së skuadrës së Istanbulspor, teksa deri më tani ka zhvilluar plot 24 përballje me skuadrën e tij, në Superligën turke, teksa ka arritur të gjejë edhe 3 herë rrugën e rrjetës, por sërish nuk ka mundur të ndikojë te rezultati, me ekipin nga Stambolli, i cili gjendet në vendin e fundit të tabelës, me 13 pikë, plot 15 pikë larg zonës së mbijetesës. /i.m /abcnews.al
SHIKONI GOLIN:
??Florian Loshaj scoring a beauty for Istanbulspor.
Goal of the week contender for sure!pic.twitter.com/JMqB1JvtoC— Kosovan Football ?? (@kosovanfooty_EN) March 2, 2024
