Qytetarët dhe pushuesit në Sarandë mesditën e kësaj të marte janë gjendur në një situatë të pazakontë, ku për shkak të nxehtësisë kanë marrë flakë telat elektrik nëpër rrugë.
Sipas informacioneve për ABC News mësohet se djegia e telave ka ndodhur në një rrugë të populluar të qytetit duke bërë që banorët të largohen me shpejtësi.
Pas zjarrit në tela në shtyllë ato u këputën duke shkaktuar ndërprerje të energjisë.
Zjarrfikësja u ndodh menjëherë në vendngjarje ndërsa është treguar e kujdesshme për të ndërhyrë deri në ulje të automatit për të mos rënë në kontakt me energjinë.
Lidhur me rastin në fjalë, burime zyrtare nga OSHEE thanë se bëhet fjalë për një avari në kabullin tension i ulët, pranë të cilit ndodhen edhe linjat e internetit dhe telefonisë.
“Këto të fundit kanë shkaktuar plasje dhe shkëndija zjarri. Pas masave të marra u rikthye energjia elektrike brenda 30 minutave.” thuhet ne reagim. /abcnews.al
