Mungesa e hapësirave në sulm ndikoi që Napoli të huazonte Adam Ounas te Nice verën e kaluar. 23-vjeçari algjerian është rikthyer në Ligue 1, aty ku shpërtheu me Bordeaux përpara kalimit në Serie A.
Sot gjeti golin e dytë në kampionat. Nice u përballë me Bordeaux në fushën e këtyre të fundit dhe Ounas dhuroi një veprim të mrekullueshëm përpara ish-tifozëve të tij në minutën e 57-të.
Lojtari i kombëtares algjeriane shfrytëzoi një kros të Wague dhe dërgoi topin në rrjetë me një gjysmëkthesë spektakolare. Vendasit kishin shënuar në pjesën e parë dhe Ounas vendosi baraspeshen me golin e tij. /abcnews.al
