Eden Hazard u largua në verë nga Chelsea pas 7 sezoneve të kaluara në “Stamford Bridge”. Fantazisti belg realizoi ëndrrën për të luajtur me Real Madrid, klub që pagoi 100 milionë euro për kartonin e tij. 13 ndeshje dhe vetëm një gol i shënuar, janë shumë pak për 28-vjeçarin, por ka ende kohë për të fituar zemrat e tifozëve spanjollë dhe për të bërë më mirë.
Një video e postuar nga një tifoz i Chelsea është bërë virale në rrjetet sociale. Frank Khalid ka regjistruar bisedën e bërë me Hazard dhe tifozët e klubit londinez kanë nisur të ëndërrojnë… rikthimin.
“E adhuroj akoma Chelsea. Do të dëshiroja të rikthehesha, pasi të kem mbyllur aventurën këtu“, është shprehur lojtari ofensiv. Sigurisht që diçka e tillë nuk do të ndodhë shpejt, por mjafton shprehja e dëshirës për të luajtur përsëri me Chelsea, që tifozët e “Bluve të Londrës” të ndihen mirë. /abcnews.al
Was great meeting @ChelseaFC legend @hazardeden10 again. He still loves Chelsea & made a promise that he will come back. Just a shame it’s not now. His been so impressed by our academy boys & still follows us. #CFC #OnceABlueAlwaysABlue ? pic.twitter.com/88cj6K2N1H
— Frank Khalid (@FrankKhalidUK) December 13, 2019
