Arsenali rikthehet te fitorja në Premier League pas shtatë ndeshjesh. Ekipi i Mikel Artetës u “ringjall” në momentin e duhur, duke mposhtur 3-1 Chelsea në “Emirates Stadium”. Një triumf në derbi është mënyra më e mirë për t’i dhënë fund krizë dhe për t’i dhuruar tifozëve një pasdite fantastike.
Arsenal return to winning ways with an impressive win over their London rivals#ARSCHE pic.twitter.com/eBBTkIlBsn
— Premier League (@premierleague) December 26, 2020
Sfida u zhbllokua nga një penallti për vendasit në minutën e 34-t. Alexandre Lacazette u tregua i saktë dhe Arsenali në avantazh. Dhjetë minuta më vonë erdhi edhe kryevepra e Granit Xhakës. Mesfushori me origjinë shqiptare dhuroi një goditje fantastike dhe topi në trekëndësh. “Topçinjtë” e nisën shumë mirë edhe pjesën e dytë.
Bukayo Saka trefishoi rezultatin në minutën e 56-të. “Blutë e Londrës” u zgjuan nga gjumi vetëm në minutat e fundit. Tammy Abraham gjeti golin në minutën e 85-të, teksa minutat shtesë sollën një tjetër penallti.
Kësaj radhe për skuadrën e Lampard, por italiani Jorginho, si rrallë herë, gaboi nga pika e bardhë. Përfundimisht 3-1 për Arsenalin që i jep fund momentit të keq, teksa kjo ishte humbja e katërt në kampionat për Chelsea. /abcnews.al
