VIDEO | Bayern vuan me Paderbornin e Gjasulës, Lewandovski-Gnabry zgjidhin gjithçka

22:24 | 21/02/202022:240

Bayern Munchen vuajti jo pak për të mposhtur Paderbornin e vendit të fundit. Skuadra e Klaus Gjasulës (luajti gjatë gjithë takimit dhe u ndëshkua me karton të verdhë në pjesën e parë) u tregua sërish një kockë e fortë përballë emrave “big”, por nuk ia doli të merrte pikë.

Robert Lewandovski ishte heroi i bavarezëve me golin e shënuar dy minuta përpara fundit të ndeshjes (polaku realizoi një dygolësh). Serge Gnabry vazhdon të konfirmohet si goleador dhe zhbllokoi shifrat në minutën e 25-të. 24-vjeçari lëvizi bukur në zonën mike dhe kaloi kampionët në avantazh me një diagonale të saktë.

Paderborn përfitoi nga një gafe e Manuel Neuer barazoi shifrat një minutë përpara mbylljes së pjesës së parë. Kapiteni nuk i bëri mirë llogaritë në dalje dhe sulmuesi Srbeny nuk fali. Robert Lewandovski kaloi sërish vendasit në avantazh në minutën e 70-të. Gnabry dhuroi një asist të bukur dhe bomberi polak dërgoi topin në rrjetë.

Vuajtjet e Bayernit nuk kishin mbaruar dhe pesë minuta më pas Paderborn goditi sërish. Kundërsulm i miqve dhe Michel, i cili ishte futur në fushë në pjesën e dytë, barazoi ndeshjen. Bayern nuk mund të linte pikë dhe u hodh i gjithi në sulm.

Gnabry dhuroi një tjetër asist nga krahu i majtë dhe polaku realizoi golin e fitores. Rrjeta e 25-të e Levës në Bundesligë dhe tre pikë të rëndësishme për skuadrën e Flick, që ka dërguar në katër pikë diferencën me Leipzig, ndërsa Paderborn mbetet në vend të fundit me 16 pikë. /abcnews.al

Bayern Munchen – Paderborn 3-2
(Gnabry 25′, Lewandovski 70′, 88′ / Srbeny 44′, Michel 75′)

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono