Gornik Leczna është befasuar një ditë më parë, teksa u mposht nga Stal Stalowa Wola. Këta të fundit po tentojnë mbijetesën në ligën e dytë në Poloni, por në fund triumfuan me rezultatin 1-2. Vendasve u prish shumë punë, pasi kishin mundësi të ngjiteshin në vendin e dytë.
Gjithsesi ata ia bënë më të lehtë kundërshtarit fitoren, pasi kur kishin kaluar 20 minuta lojë shënuan në portën e tyre. Madje një autogol që vetëm ai që e realizoi e di se çfarë kishte në kokë në ato momente.
Ndodh që të të vijë topi dhe ta devijosh në portë, por ta godasësh atë, me të vërtetë është për t’u habitur. Protagonist ishte Bartlomiej Kalinkowski, i cili në vend që ta largonte topin nga zona, e dërgoi atë në rrjetë. Tashmë ai autogol po bën xhiron e internetit. /abcnews.al
