Tjetër fitore e Atletico Madrid, e shtata radhazi në kampionat, dhe tre pikë më tepër për titullin kampion. Djemtë e Diego Simeones mposhtën 3-1 në shtëpi Valencian, duke konfirmuar formën fantastike që po kalojnë në La Liga.
Skuadra mike e nisi shumë mirë takimin dhe kaloi në avantazh në minutën e 11-të falë një goli të mrekullueshëm të Uros Racic. Atletico reagoi dhe riktheu baraspeshën 12 minuta më vonë me anë të Joao Felix.
FINAL #AtletiValencia 3-1
¡El @Atleti remonta y suma su 7º triunfo consecutivo en #LaLigaSantander! ?#ResultadosLS pic.twitter.com/rgOyJNZJ2r
— LaLiga (@LaLiga) January 24, 2021
Portugezi përfitoi nga një goditje këndi dhe dërgoi topin në rrjetë. 45 minutat e para u mbyllën në barazim, teksa vendasit gjetën edhe dy herë të tjera rrugën e rrjetës në fraksionin e dytë të përballjes.
Luis Suarez realizoi falë një diagonaleje të saktë në minutën e 54-t (goli i 12-të në kampionat për uruguaianin), teksa Angel Correa vulosi suksesin e Atletico Madrid në minutën e 72-të (asist i Llorentes).
Përfundimisht 3-1 për “Los Colchoneros”, të cilët kryesojnë kampionatin spanjoll me 47 pikë, 7 më tepër se Reali ndjekës dhe mbi të gjitha me një ndeshje më shumë për të luajtur. /abcnews.al
