Atletico Madrid marshon. Skuadra e Diego Simeone ka fituar në një transfertë të vështirë kundër Real Sociedad me rezultatin 0-2 dhe tani distancohen me tre pikë nga Real Madrid i vendit të dytë dhe kanë edhe një ndeshje më pak.
Atletico është në rrugë të mbarë për të fituar titullin kampion, edhe pse mund të jetë herët për të folur. Në takimin e sotëm ata e prishën ekuilibrin e rezultatit në fillim të pjesës së dytë, kur Mario Hermoso shënoi me kokë katër minuta nga nisja.
Duhej edhe goli i qetësisë, që erdhi 25 minuta më vonë. Marcos Llorente nuk fali me një gjuajtje brenda zone dhe Real Sociedad u dorëzua, duke marrë fitoren e tretë radhazi në kampionat. Më herët Sevilla kishte marrë një fitore kundër Valencia, falë një goli të Suso.
https://streamable.com/zg075q
Në barazim 2-2 u mbyll Elche-Osasuna, me vendasit që arritën në dy raste t’i barazojnë shifrat. Paqe edhe mes Huesca dhe Levante, në një ndeshje që u mbyll me shifrat 1-1. /abcnews.al
