Përfaqësuesja e Argjentinës ka fituar me rezultat minimal 1-0 në transfertë ndaj Brazilit në ndeshjen e vlefshme për kualifikueset e Kupës së Botës 2026.
Takimi i raundit të gjashtë të kualifikueseve të Amerikës së Jugut u luajt në stadiumin “Maracana” dhe fillimi i ndeshjes u vonua me gjysmë ore pasi shpërthyen trazira në tribuna.
Në tribunë, tifozët argjentinas dhe policia braziliane u përleshën dhe portieri i Argjentinës, Emiliano Martinez u përfshi dhe arriti të godasë një nga policët gjatë përpjekjes për ta ndaluar.
Më pas, kapiteni i Argjentinës, Lionel Messi, i çoi bashkëlojtarët e tij në dhomat e zhveshjes në shenjë proteste dhe ata nuk donin të luanin derisa të garantohej siguria e tifozëve të tyre.
Tensionet u transferuan nga tribuna në fushë dhe pjesa e parë kaloi në antifutboll dhe faulle të shumta të ashpra, dhe tashmë në minutat e fillimit të ndeshjes, Gabriel Jesus goditi me bërryl kokën e Rodrigo de Paul.
Brazili pati rastin më të mirë për të shënuar në minutën e 58-të kur Jesus bashkëpunoi shkëlqyeshëm me shokun e tij të skuadrës nga Gabriel Martinelli i cili gjuajti bukur, por Martinez ndërhyri shkëlqyeshëm dhe shpëtoi portën. Vetëm pesë minuta më vonë, Argjentina shënoi golin që i dha fitoren dhe tri pikët.
Giovani Lo Celso goditi një këndore nga e majta, Nicolas Otamendi kërceu mbi Gabriel Maghalaes dhe mposhti Alisson Becker për të çuar në festime të mëdha nga argjentinasit.
Brazilianët e panë fundin e lojës me dhjetë lojtarë pasi Joelinton mori një karton të kuq direkt pas një faulli të ashpër.
Pas kësaj fitore, Argjentina është kryesuese e kualifikueseve të Amerikës së Jugut, ndërsa Brazili ka zbritur në vendin e gjashtë me humbjen e tretë radhazi./h.ll/abcnews.al
????? Crazy scenes in the stands at Maracanã between Brazilian police and Argentina fans.
Full footage by @_igorrodrigues ? pic.twitter.com/lF4uzyI8A9
— Fabrizio Romano (@FabrizioRomano) November 22, 2023
? Emiliano Martinez going against a Brazilian policeman just minutes before… pic.twitter.com/Lj0XdWpzzd
— Eduardo Hagn (@EduardoHagn) November 22, 2023
This might be the craziest football scene I have watched in years. Brazil vs Argentina ended violence. Players trying to calm down the fans. Insanitypic.twitter.com/7rbjzSpUVN
— CONTEXTUAL MEME (@Contextual_Meme) November 22, 2023
