Boris Oravec nga Sllovakia është një atlet profesionist në hokej dhe crossfit, të cilit i pëlqen të testojë kufijtë e tij dhe të ndajë aventurat me mijëra ndjekësit e tij në mediat sociale. Llogaria e 31-vjeçarit në Instagram zbulon dashurinë e tij për sportin, pasi poston vazhdimisht video duke u stërvitur në palestër, duke notuar dhe duke bërë “magjitë” e tij në akull.
Megjithatë, ka raste kur edhe një sportist profesionist me përvojë haset me vështirësi kur tenton diçka të re apo të vështirë. Një incident i tillë ndodhi rreth një muaj më parë, kur Oravec u përpoq të notonte një distancë në një liqen të akullt në zonën Vysoké Tatry. Plani i atletit të ri ishte të zhytej në ujërat e akullta nga një vrimë në akull dhe të dilte nga një tjetër, disa metra larg.
World Champion (@)oravecboris trapped in the water. Panick under the ice. Lost his way. He posted the clip (IG) as a warning. How dangerous it can turn out all of a sudden pic.twitter.com/5MHfu8cKrj
— Zirr (@ItsAzirr) February 7, 2022
Por gjithçka nuk shkoi sipas planit pasi ai humbi orientimin duke bërë që të mbetej nën shtresën e akullt. Pasi pa që kishte humbur kontrollin, ai kapi litarin e sigurisë duke e nxjerrë atë, i cili e dërgoi për te vrima nga ku hyri. /abcnews.al
