Kompania e sigurimeve ALBSIG, këto ditë ka marrë shumë telefonata nga personat që kanë siguruar banesat. Zv.drejtori i ALBSIG, Plarent Hamzaj tha se të gjitha rastet po merren në shqyrtim për të bërë dëmshpërblimin në një kohë sa më të shpejtë.
Kompania e sigurimeve “Albsig” ka një ekspozim të lartë kundrejt dëmeve të pronës që shkaktoi tërmeti i mëngjesit të datës 26 nëntor. Një lum telefonatash vijojnë kundrejt numrave të lenë në dispozicion për të siguruarit dhe me çdo rast po merret në shqyrtim për t’u vlëresuar dhe dëmshpërblyer në kohën më të shkurtër të mundshme. Grupet e punës janë ngritur dhe po inspektojnë në terren çdo dëmtim dhe në këtë mënyrë po përpilohen dosjet e secilit rast për t’iu kaluar dëshmpërblimi sipas kontratës së bërë me subjektin.
Plarent Hamzaj zv. Drejtori i Përgjithshëm i Shoqërisë së Sigurimeve “Albsig” shpjegon situatën dhe organizimin e kompanisë për të përballuar këtë ngarkesë.
Edhe pse trmeti ka lënë pasoja shumë herë më të rënda se ai i datës 21 shtator, kompania mbeshtetet mbi një grup financiar shumë të fuqishëm siç është “Kastrati Group” dhe gjigandi ndërkombëtar të risigurimit “Hanover Re”. /abcnews.al
