Lionel Messi është një futbollist që i ka dhuruar botës së futbollit një numër të madh golash të pabesueshëm. Ylli argjentinas ka shënuar 696 gola deri më tani në karrierën e tij dhe një “parabolë” kundër Real Betis, është padiskutim një ndër më të bukurit.
Rakitic e shërben në hyrje të zonës dhe “pleshti”, pa u menduar dy herë, gjuan një parabolë dhe shënon një supergol. Me një qetësi të jashtëzakonshme, ylli argjentinas tregoi të gjithë klasin e tij.
Të njëjtin aksion, Messi e ka realizuar edhe sot në stërvitje. Madje, dhe goditja e tij, është “fotokopje” e atij golit ndaj Betis, por për fat të keq, tentativa ndalet në traversë. Këtë video, e postoi Barcelona në Twitter, duke shkruar: “Se ku e kemi parë këtë aksion…”/abcnews.al
Where have we seen this before? ? #Messi pic.twitter.com/GfppCktuiW
— FC Barcelona (from ?) (@FCBarcelona) June 10, 2020
