Loading ...Një aksident automobilistik ka ndodhur mëngjesin e së mërkurës në Lushnje.
Ngjarja ndodhi në by pass-in e Lushnjes ku një mjet tip Benz ka përplasur shtetasin Odise Petro, 43 vjeç, i cili udhëtonte me biçikletë.
Si pasojë e kësaj goditjeje, ka marrë dëmtime në pjesën e këmbëve drejtuesi i biçikletës, i cili është transportuar drejt spitalit të Lushnjës.
Sipas informacioneve nga spitali, gjendja e tij është jashtë rrezikut për jetën. Nga hetimet e para dyshohet se shkak i aksidentit është fakti që drejtuesi i biçikletës ka humbur kontrollin, duke dalë në karrexhatën ku udhëtonte automjeti.
Edhe pse drejtuesi i automjetit ka frenuar, nuk e ka shmangur dot goditjen.
