Një aksident me pasojë vdekjen ka ndodhur pasditen e së shtunës në aksin rrugor Rrogozhinë –Lushnje. Një 60-vjeçar që po udhëtonte me biçikletë është përplasur nga një automjet dhe për pasojë ka humbur jetën.
Abcnews.al ka siguruar pamje nga vendi i ngjarjes ku duket biçikleta e të ndjerit në tokë si dhe automjeti tip “Benz” nga i cili u përplas 60-vjeçari L. Sh., banues në Lushnje.
Drejtuesi i mjetit, E. B.,është shoqëruar në Komisariat ku po kryhen veprimet proceduriale.
Njoftimi:
Lushnje
Informacion paraprak
Sot rreth orës 18:00, në aksin rrugor Rrogozhinë –Lushnje, në afersi të fshatit Dushk, shtetasi E. B. duke drejtuar mjetin tip “Benz” ka aksidentuar me pasojë vdekjen shtetasin L. Sh., 60 vjeç, banues në Lushnje, i cili po udhëtonte me biçikletë.
Eshtë shoqëruar në Komisariat drejtuesi i mjetit dhe po kryhen veprimet proceduriale.
Grupi hetimor po punon për zbardhjen e rrethanave të ngjarjes. /abcnews.al/
