Dasma e Nicola Peltz dhe Brooklyn Beckham do të jetë një nga dasmat më të mëdha të showbiz-it në vitin 2022. Dasma e vitit pritet të mbledhë shumë yje me famë botërore. Por mesa duket Victoria ka menduar deri në detaj për t’ja bërë sa më speciale këtë ditë të veçantë djalit të saj. Përflitet se Spice Girls do të ribashkohen për dasmën madhështore.
Nëse thashethemet janë të vërteta, do të thotë se do të jetë hera e parë që vajzat do të ribashkohen të gjitha. Djali i Victoria dhe David Beckham, Brooklyn njoftoi fejesën e tij në korrik 2020, duke postuar një foto të mrekullueshme të çiftit, ku Nicola mbante veshur një fustan të dizenjuar nga mamaja e tij.
Një burim ka thënë për The Sun se ish anëtaret e grupit kanë marrë ftesa për dasmën që do të mbahet në Prill. “Ishte një ftesë e bukur dhe vajzat janë të gjitha të emocionuara për të marrë pjesë. Do të jetë hera e parë që ata janë të gjithë së bashku në shoqëri për disa kohë, kështu që ata po presin me padurim mundësinë për t’u bashkuar vërtet”, tha burimi.
/abcnews.al
