Loredana ka arritur një sukses të jashtëzakonshëm në pak kohë, jo vetëm në tregun shqiptar dhe gjerman por edhe më gjerë. Reperja nga Kosova ka tejkaluar çdo parashikim me këngët e saj, që janë kthyer menjëherë në hite.
Pak orë më parë, reperja ka sjellë bashkëpunimin e saj më të fundit me KC Rebell dhe Summer Cem, të titulluar “Geh Dein Weg”. Në kaq pak kohë, kënga ka gjeneruar më shumë se gjysmë milioni klikime në Youtube.
Dy muaj më parë, reperja publikoi duetin me Capital Bra “Nicht verdient”, këngë e cila gjithashtu u pëlqye shumë nga publiku dhe numëron afro 30 milion klikime në Youtube. Përpos suksesit në muzikë, Loredana është komentuar shumë edhe për jetën personale. Pak kohë më parë, reperja i dha fund marrëdhënies me Mozzik, me të cilin ka edhe një vajzë.
Ndërkohë, që kohët e fundit ajo është përfolur se po shijon një romancë të re me artistin Zuna. Postimet që dy artistët kanë bërë shpesh në Instagram, kanë shtuar dyshimet se janë në një lidhje. /abcnews.al/
