Atalanta nuk shkoi më shumë se një barazim 1-1 ndaj Midtjylland dhe e la për në ndeshjen e fundit çështjen e kualifikimit në fazën me eliminim direkt në Champions League.
Padyshim titullar në sfidën e mbrëmshme Berat Gjimshiti. Mbrojtësi është një nga më të mirët e skuadrës së Gasperinit, por mbrëmjen e djeshme ylli kuqezi nuk ishte në formën e tij më të mirë të mundshme. Në minutën e 30-të lideri i kombëtares u ndëshkua me karton të verdhë.
Eurosport e vlerëson Gjimshitin me notën 5, duke i vënë në dukje edhe vështirësitë ndaj sulmuesit Kaba të Midtjylland. “Nota 5. Paraqitje nën mesatare dhe i mundur nga Kaba në rastin e golit”, ishte vlerësimi për Gjimshitin.
Statistikat e Gjimshitit ndaj Midtjylland
Spastrime në zonë 1
Goditje të bllokuara 1
Vjedhje topi 1
Ndërhyrje të sakta në zonë 1
I dribluar 0
Duele në tokë 2(1)
Duele në ajër 6(4)
Humbje topi 18
Faulle 1
Prekje topi 94
Pasime (saktësia) 67 (79.8%)
Pasime të gjata 12(5)
