Pas ditësh intensive në prapaskenë, kryeministrja në largim dha dorëheqjen të hënën në mbrëmje, me Attal që u cilësua menjëherë si favoriti për të pasuar 62-vjeçaren.
Ai është emëruar kryeministri i ardhshëm i Francës, pasi Emmanuel Macron synon të “ringjallë” presidencën e tij me një qeveri të re.
Në moshën 34-vjeçare, Attal është bërë kryeministri më i ri në historinë moderne franceze, duke kaluar edhe socialistin Laurent Fabius, i cili ishte 37 vjeç kur u emërua nga François Mitterrand në 1984.
Attal pason Elisabeth Borne, e cila dha dorëheqjen pas 20 muajsh në detyrë. Gabriel Attal, i cili aktualisht është ministër i Arsimit, do të kryesojë qeverinë franceze në zgjedhjet e rëndësishme të Parlamentit Europian në qershor.
Gabriel Attal, 34-vjeç, prej vitit 2017 ka pranuar se është në një lidhje dashurie me një partner, Stéphane Séjourné, me të cilin bashkëjeton. Kështu ai bëhet kryeministri i parë jo vetëm në një moshë të re, por edhe kryeministri i parë që i përket komunitetit të LGBTQI.
/abcnews.al
