Fëmijët e aktivistes iraniane të demokracisë, Narges Mohammedi, e cila u nderua me Çmimin Nobel të Paqes këtë vit dhe është në burg për punën e saj për të drejtat e grave, e morën çmimin e saj në emër të aktivistes.
Në ceremoninë e mbajtur në kryeqytetin e Norvegjisë, Oslo, çmimi i marrë nga aktivistja Mohammadi iu dha fëmijëve të saj binjakë 17-vjeçarë Ali dhe Kiana Rahmani, të cilët ndodhen në mërgim në Paris.
Kiana Rahmani lexoi letrën e shkruar nga nëna e saj në konferencën për media. Në letër, Mohammadi falënderoi gazetarët dhe punonjësit e medias, të cilët i përshkroi si “aleatët e saj më të mëdhenj dhe më të rëndësishëm” në luftën e saj kundër “tiranisë shkatërruese” të qeverisë iraniane.
Në letrën e saj, Mohammadi theksoi se shoqëria iraniane ka nevojë për “mbështetje globale”.
Bashkëshorti i aktivistes Mohammadi tha për mediat se aktivistja do të hyjë në grevë urie në shenjë solidariteti me anëtarët e besimit Bahai, i cili është pakicë në Iran.
Narges Muhammadi njihet me identitetin e saj si aktiviste
Në deklaratën e Komitetit Norvegjez të Nobelit më 6 tetor thuhej se çmimi iu dha Mohammadit “për luftën e saj për gratë e shtypura” në Iran.
Narges Mohammadi, e cila shquhet si aktiviste në Iran, njihet për punën e saj për të drejtat e njeriut. Ajo u dënua nga gjyqësori iranian për krime të tilla si “veprim kundër sigurisë kombëtare dhe propagandë kundër regjimit”. Aktivistja u dërgua për herë të fundit në burg në nëntor 2021 pasi mori pjesë në ceremoninë përkujtimore të një protestuesi që humbi jetën gjatë protestave që shpërtheu në të gjithë vendin për shkak të rritjes së çmimit të benzinës në vitin 2019.
Mohammadi, e cila që atëherë mbahet në burg, ka dhënë deklarata mbështetjeje nga Burgu i Evinit në Teheran, për protestat që nisën pas vdekjes së një vajze të re të quajtur Mahsa Amini në paraburgim policor në shtator 2022.
Autoritetet iraniane i konsiderojnë protestat kundër regjimit që kanë shpërthyer herë pas here për arsye të ndryshme vitet e fundit si “komplot i armiqve”. Udhëheqësi iranian, Ajatollah Ali Khamenei, në deklaratën më 3 tetor 2022, lidhur me protestat për Mahsa Aminin, të cilat filluan në vitin 2022 dhe cilësohen si protestat më të gjata në vend, tha: “E them qartë se këto ngjarje ishin planifikuar nga SHBA-ja, regjimi sionist dhe mbështetësit e tyre”.
