Moti i keq me shi që ka përfshirë Italinë ka shkaktuar një gjendje alarmante në Venecia.
Qyteti përmbytet nga batica e dytë më e madhe në historinë e saj, tha kryebashkiaku Luigi Brugnaro. Batica e të martës arriti në 1.87 metrash. Brugnaro paralajmëroi se dëmet do të lënë “gjurmë të përhershme”.
Një situatë e tillë u shënua në 1966, kur uji mbërriti në 195 centimetra, e cila në atë kohë u cilësua si një “ngjarje biblike”.
Ndërkohë kryeministri Giuseppe Conte e përshkroi përmbytjen si një goditje në zemër të vendit. Ai tha se qeveria do të veprojë shpejt për të siguruar fonde dhe burime.
“Më dhemb fakti që shoh qytetin kaq të dëmtuar, trashëgimin artistike të komprometuar dhe aktivitetet e tij tregtare në gjunjë”, tha Conte./abcnews.al
