Vendosin Dybala-Lewa, Bayern e Juve nuk ndalen në Champions

schedule23:06 / 22/10/2019

Paolo Dybala ka qenë heroi i Juventusit sot përballë Lokotivës së Moskës. Ylli argjentinas shënoi dy gola në dy minuta për të përmbysur golin e Miranchuk, duke i dhënë tri pikë të rëndësishme Juventusit. Me këtë fitore, “Zonja e Vjetër” u ngjit në kuotën e 7 pikëve, duke marrë kreun e Grupit D.

Champions League, Grupi D

Juventus – L. Moscow  2-1
Dybala 77′ 79′ / Miranchuk 30′

Nëse Dybala ishte heroi i Juventusit, Lewandowski ishte njeriu që nderoi Bayern Munchen në sfidën kundër Olympiacos. Kjo sfidë u mbyll me rezultatin 2-3 dhe Lewandowski shënoi dy gola për bavarezët. Golin e tretë për kampionët e Gjermanisë e shënoi mesfushori francez, Correntin Tolisso.

Kjo fitore e mban Bayernin në vendin e parë të Grupit B, me 9 pikë të plota. Vendi i dytë, Tottenham, triumfoi pastër 5-0 në Londër, përballë Cverna Zvezda. Dopietat e Kane dhe Son mbyllën historinë e takimit, ndërsa Lamela ishte futbollisti tjetër që gjeti rrjetën./abcnews.al

Champions League, Grupi B

Olympiacos – B. Munchen  2-3
El Arabi 23′, Guillerme 79′ / Lewandowski 34′ 62′, Tolisso 75′

Tottenham – Cverna Zvezda  5-0
Kane 9′ 72′, Son 16′ 44′, Lamela 57′

schedule23:06 / 22/10/2019