Atletico Madrid mori një fitore të madhe mbrëmjen e kaluar dhe vazhdon të kryesojë kampionatin spanjoll. “Colchoneros” triumfuan 0-2 në fushën e Real Sociedad, falë golave të Hermoso dhe Llorente në pjesën e dytë.
Tre pikë shumë të rëndësishme për skuadrën mike dhe kënaqësi e madhe për Diego Simeonen. Trajneri argjentinas, i cili ndodhet në stolin e ekipit kryeqytetas prej dhjetorit të vitit 2011, siguroi fitoren e 300-të në 499 ndeshje (në të gjitha kompeticionet) me Atletico Madrid.
300 – Diego Pablo Simeone has recorded 300 wins in 499 games for @atletienglish in all competitions (60,1%), more than any other #LaLiga South American manager in all competitions ever. Spartan#AtleticoMadrid pic.twitter.com/sNmfUJpkc3
— OptaJose (@OptaJose) December 22, 2020
Një rekord për “El Cholo” (60.1% të ndeshjeve i ka fituar). Asnjë trajner nga Amerika Latine nuk ka bërë më mirë se ai në Spanjë, teksa Atletico është në rrugën e duhur për të fituar titullin kampion, edhe pse gara do të jetë e fortë deri në fund. /abcnews.al
