Gjatë kësaj jave qytetarët shqiptarë ishin të lirë për të lëvizur deri në orën 17:30, pas hyrjes në fuqi të vendimit për ndryshimin e fashës së orarit, në kuadër të masave te marra ndaj Covid-19.
Ndërkohë, nga dita e sotme, e premte, në orën 17:30 dhe deri në orën 05:00 të mëngjesit të së hënës, gjithçka do të jetë e mbyllur.
Vendimi i ministrisë së Shëndetësisë është publikuar edhe në fletoren zyrtare, dhe për dy ditë gjatë fundjavës qytetarët do të jenë në karantinë të plotë, pasi nuk u lejohet të dalin nga shtëpia.
Ndërkohë, teksa kanë mbetur edhe pak orë nga nisja e shtetrrethimit, qytetarët kanë nxituar sot të bëjnë blerjet e tyre.
/abcnews.al
